Novas publicacións sobre poesía e espazo público: os últimos números de E-Lyra e Lettres Romanes

A idea da poesía como un "campo expandido" e a súa relación co espazo social son cuestións moi actuais e que definen algúns dos intereses principais da poesía contemporánea. Estas cuestións relacionánse tamén co proxecto anterior a PoePolit, POESPUBLIC, a partir do que se realizou unha base de datos onde se recolleron os principais resultados das pesquisas. Non é de extrañar, polo tanto, que continúen aparecendo estudos sobre o tema. Un exemplo son os dous últimos números das revistas E-Lyra e Lettres Romanes, que inclúen unha reflexión sobre esta cuestión: a primeira, a partir dun número especial sobre poesía e performance e, a segunda, a través dun dossier dedicado integramente á relación da poesía co espazo público. 

Lettres Romanes é unha revista editada pola Université Catholique de Louvain (Bélxica) e publicada anualmente pola editora Brepols. Ten como áreas de estudo as literaturas romances, especialmente desde o punto de vista da súa historia e inclúe artigos, recensións literarias e notas bibliográficas. Esta revista preséntase como un elemento fundamental para estudar e coñecer en profundidade a literatura en linguas románicas. O seu último número, inclúe un dossier, coeditado por Geneviève Fabry e Stéphanie Vanasten, dedicado ao estudo da poesía e o espazo público. No seu interior podemos encontrar artigos do recoñecido estudoso Jan Baetens sobre lectura e performance ou tamén unha reflexión de Arturo Casas, membro de PoePolit, titulada "The Real and the Public in Recent Critical Poetry (with a Note on Antonio Méndez Rubio’s Work)". 

A revista dixital E-Lyra publícase cada seis meses pola rede de investigación internacional LyraCompoetics. Ten como obxectivo o estudo da poesía moderna e contemporánea e acolle contribucións de diferentes investigadores e investigadoras interesados na análise crítica de poesía, arte e cultura. Sérvese, principalmente, de instrumentos comparatistas e perpectivas interartísticas que axuden a entender a poesía desde un punto de vista global. Hoxe en día é unha das ferramentas indispensables para achegarse ao estudo da poesía no ámbito lusófono, así como para pensar de forma crítica a literatura. Xa está dispoñible un novo número, o décimo, coeditado por Leonardo Gandolfi e Luciana di Leone e que ten como tema principal estudar a relación entre poesía e performance.

O próximo número da revista E-Lyra, coeditado por Alethia Alfonso (Universidad Iberoamericana, México), Cristina Tamames e Alba Cid (Universidade de Santiago de Compostela) e Burghard Baltrusch (Universidade de Vigo) estará dedicado integramente ao estudo da poesía e política. Xa se poden enviar as diferentes propostas escritas en lingua galega, española, inglesa ou portuguesa e que traten algunha das temáticas relacionadas coa poesía e os rexímenes actuais. Para máis información, pódese consultar o chamamento a artículos, publicado neste mesmo blog.

Miguel Januário en Vigo: "±MaisMenos± público , ±MaisMenos± político"

No marco das actividades organizadas polo proxecto de investigación POEPOLIT, o artista portugués Miguel Januário (máis coñecido como "±MaisMenos±) visitou a cidade de Vigo para ofrecer unha conferencia no Instituto Camões o día 12 de xullo, titulada "o principal é agir". No día seguinte, deu un seminario baixo o título " ±MaisMenos± Público & Político". 

Miguel Januário e "±MaisMenos±"

Miguel Januário é un artista de Porto, formado na área de desenho gráfico e que desenvolve, desde 2005 o proxecto ±MaisMenos±. Nel combina accións de arte no espazo público (gravadas e colgadas na rede posteriormente, sobre todo no seu blog ±MaisMenos±), con participacións en exposicións ou conferencias. A súa arte urbana abrangue graffities, performances, exposicións e numerosos traballos na rede, á que el califica como unha "rúa virtual". Os seus proxectos inclúen unha mensaxe crítica contra a sociedade, o sistema económico, artístico e a política actual. Así, o seu sería un proxecto poético-político de intervención que nos fai reflexionar sobre a organización do noso mundo occidental a través da presentación de certas dicotomías, mostra dunha sociedade paradoxal e fracturada.  Este artista pretende estudar as relacións entre consumo, poder, arte e sistema desde un punto de vista multimedial. Para el, a arte urbana é unha actividade política.

Imaxe dun cartel do proxecto
"Vota ±MaisMenos±" na rúa
 de Cedofeita (Porto).

Vota "±MaisMenos±"

Durante a súa estancia na cidade olívica, Miguel Januário aproveitou para presentar o seu novo proxecto, que transita entre a performance artística e a creación dun partido político. A primeira acción levouse a cabo no ano 2016, durante o Festival Iminente. Alí fixo unha sondaxe durante os tres días de festival sobre os votos dos público, que podían escoller entre os partidos tradicionais e esta nova alternativa do miguel Januário.  A segunda intervención realizouse no Passos Manuel do Porto, onde permitiu que o público lle enviase propostas políticas dun minuto para incluír no seu futuro programa. Actualmente, o ±MaisMenos± está a recorrer Portugal procurando sinaturas que lle permitan formar un partido, como se pode ver na súa páxina persoal de Facebook, onde anuncia os novos destinos de recollida de sinaturas. Sexa unha acción performativa ou un acto político, o certo é que resulta un proxecto interesante que, como mínimo, nos obriga a reflexionar sobre a relación entre arte e política. 

Máis informacións sobre a visita de Miguel Januário a Vigo e os seus proxectos:

https://vimeo.com/262982912

http://www.farodevigo.es/sociedad/2017/07/13/miguel-januario-intervencion-protesta-vuelve/1715593.html

http://catedrasaramago.webs.uvigo.es/pt/blog/-publico-politico-miguel-januario-em-vigo-70/

http://maismenos.net/

https://www.facebook.com/maismenos.oficial/

http://marketeer.pt/2016/11/17/vota-%C2%B1maismenos%C2%B1/

POESPUBLIC data base

The POESPUBLIC data base is one of the outcomes of the Contemporary Poetry in Public Space: Intervention, Transference and Performativity, a research project which preceeded POEPOLIT, and which was also funded by the Ministerio de Economía y Competitividad of the Spanish Government (FFI2012-33589).

This project ran from 2012 until 2016 and involved a wide-ranging, international team of specialists in literary and cultural studies from eleven universities across seven different countries. The data base can be accessed here: http://bd-poespublic.org/nc/en/search/.

The principal aim of the database is to provide orientation – bibliographic and otherwise – to scholars who approach the field of contemporary poetry from a perspective not limited to highly-specific linguistic and cultural coordinates and who attempt to analyze the critical and public conditions of the new poetic practices.

The POEPOLIT project will add documents on poetic practices in circulation, as well as methodological and theoretical-critical studies on the relationship between contemporary poetry and politics in the Western context to this database.