O grupo Rompente, que marcou o (re)inicio da vangarda literaria en Galicia (e cuxo núcleo formaban Antón Reixa, Manuel M. Romón e Alberto Avendaño, os nenos terríbeis da poesía galega), volveu reunirse o 4 de outubro 2019, por primeira vez en catro décadas, dentro do Festival Kerouac de Vigo. Aquí, pódese ver a gravación realizada pola I Cátedra Internacional José Saramago da Universidade de Vigo.
Recordamos tamén que en outubro de 2019, Antón Reixa visitou a Facultade de Filoloxía e Tradución da Uvigo para unhas Conversas xunto cos investigadores Burghard Baltrusch, Alberto Valverde e Antía Monteagudo. Este evento foi organizado coa colaboración da I Cátedra Internacional José Saramago e PoePolit.
