V Conferencia Internacional José Saramago da Universidade de Vigo - "Escrevo para compreender" (18, 19 e 21 de decembro)

Como en anteriores ocasións a I Cátedra Internacional José Saramago organiza a V Conferencia Internacional José Saramago da Universidade de Vigo baixo o título Escrevo para compreender. 

Nesta edición manterase o espírito cosmopolita que caracterizou sempre ás xornadas e recibirá a participación de investigadores de diversos países (Polonia, Portugal, España, Reino Unido, EUA, Arxentina e Brasil) en 35 intervencións sobre o pensamento e a obra de José Saramago.

O evento terá lugar o 18, 19 e 21 de decembro no Museu Nacional da Imprensa (Porto, Portugal),entidade co-organizadora, mais desta volta o encontro realizarase primordialmente en liña.

Podes acceder ao programa completo e as instrucións para asistir picando aquí.

 

Webinar "Literatura latinoamericana actual"

 

 

 

 

 

 

 

 

 

 

O día 15 de decembro terá lugar o seminario en liña Literatura latinoamericana actual:reflexións e desafíos organizado polo grupo de investigación ELICIN e o Departamento de Literatura Española e Teoría da Literatura da UVIGO. 

O seminario comprende diferentes relatorios desenvolvidos por docente da Universidade de Vigo, así como doutras universidades internacionais. As comunicacións trataran diversos aspectos como a violencia, o compromiso social, a novela negra, as novas tendencias da investigación etc. 

Pica aquí para acceder ao programa completo.

O evento desenvolverase, con acceso libre, entre as 10:00 e as 13:00 (hora española) na seguinte ligazón: https://tv.uvigo.es/live/5b609fcd8f42086f216258ac